موظف مبيعات ذكي
يرد بلغة زبونك ٢٤/٧

بيفهم الفويس وبيرد بفويس

زبونك بيبعت رسالة صوتية، والوكيل بيسمعها وبيرد بصوت طبيعي جوّا واتساب — مش ملف مرفق. صوت رجل أو امرأة باختيارك، وبتقدر تخليه يرد بالصوت بس.

• •اللي بيستفسر وهو سايق، واللي ما بيحب يكتب، واللي بيشرح حالته أسهل بصوته.
• •وإذا الفويس ما انفهم منيح، بيطلب يعيده — ما بيخمّن شو قال.

ما بيكذب على زبونك — مفروضة بالكود، مش وعد

كل رد بينفحص قبل ما يوصل الزبون، على الحقيقة المسجّلة عندك:

• •ما بيقول «طلبك بالطريق» وطلبه ملغي، ولا بيناقض حالة طلب إنت حطّيتها.
• •ما بيقول «بلّغت المحل» أو «حدا رح يرد عليك» إلا إذا فعلاً وصّلها لبشر.
• •ما بيقول «بعتلك المنيو» إلا إذا بعتها فعلاً.
• •إذا زبون اعترض على قرارك (إلغاء، سعر)، بيوصّلك اعتراضه كاعتراض منه — ما بيحكم ضدّك قدّامه.
• •لو حاول يغلط، الرد ما بيطلع، وبيطلع بداله رد صحيح.

الطلب بينزل بنظامك إنت

للمطاعم والمحلات اللي عندها نظام طلبات: بيقرأ منيوك الحي بأسعاره، وبينزّل الطلب على شاشة مطبخك فيطبع بطابعتك.

• •السعر اللي بيسمعه الزبون هو سعر التذكرة بالظبط — من منيوك وأجرة توصيلك، مش من راس الوكيل.
• •توصيل ولا استلام؟ كاش ولا محفظة ولا بطاقة؟ بيسأل، وحسب اللي محلك بيقبله بس.
• •إيصال تأكيد برقم الطلب وكل أصنافه ومجموعه، منسوخين من سجلّك.
• •كل ما يضغط الكاشير «قيد التحضير» أو «طلع للتوصيل»، الزبون بيعرف على واتساب لحاله.
• •عندك فروع؟ الطلب بيروح للفرع اللي بيوصّل لمنطقة الزبون، وفرع مسكّر ما بياخد طلب طالما في فرع فاتح.
• •من الرسالة الصوتية لتذكرة المطبخ: أقل من ٥ ثوانٍ (مقيسة على طلب حقيقي).

الزبون بيزيد على طلبه وهو بالتحضير

نسي الكولا؟ بيقول «زيدلي كولا» وبتوصل مع نفس الطلب — بلا طلب تاني وبلا توصيل تاني. وكل محل بيحدد لحد إمتى بيقبل الزيادة.